ការត្រួតពិនិត្យមហារីកទូទៅ

យោងតាមទិន្នន័យពីថ្មីៗរបស់ ក្រសួងសុខាភិបាលវៀតណាម បានបង្ហាញថាជំងឺមហារីកដែលជួបប្រទះញឹកញាប់ក្នុងបុរសនៅវៀតណាម រួមមាន៖

• មហារីកក្រពេញប្រូស្តាត មហារីកថ្លើម មហារីកសួត មហារីកក្រពះ មហារីកពោះវៀនធំ (ករណីទាំងនេះសរុបប្រហែល 65% នៃជំងឺមហារីកទាំងអស់)។
• ចំណែកឯស្ត្រី ជំងឺមហារីកដែលជួបប្រទះញឹកញាប់រួមមាន៖ មហារីកសុដន់ មហារីកសួត មហារីកពោះវៀនធំ មហារីកក្រពះ មហារីកថ្លើម (សរុបប្រហែល ៥៩%)។ក្នុងនោះ មហារីកសួត ថ្លើម ក្រពះ និងពោះវៀនធំ អាចកើតមានបានទាំងបុរស និងស្ត្រី។
• យោងតាមទិន្នន័យពី សន្និសីទអន្តរជាតិស្តីពីជំងឺមហារីក និងការការពារជំងឺមហារីក ឆ្នាំ2022ដែលបានប្រារព្ធឡើងនៅHa Noi ប្រទេសវៀតណាមត្រូវបានវាយតម្លៃថា ជាប្រទេសដែលមាន អត្រាកើតជំងឺមហារីកខ្ពស់ជាងគេទី២ នៅលើពិភពលោក។នេះជាស្ថិតិដ៏គួរឱ្យព្រួយបារម្ភ និងធ្វើឱ្យមនុស្សជាច្រើនមានការភ្ញាក់ផ្អើល ព្រោះ មនុស្សគ្រប់រូបសុទ្ធតែមានហានិភ័យក្នុងការកើតជំងឺមហារីក។
• ការត្រួតពិនិត្យមហារីកសរុប អាចជួយរកឃើញជំងឺនៅដំណាក់កាលដំបូង។ អ្នកជំនាញ និងវេជ្ជបណ្ឌិតនៅ មន្ទីរពេទ្យ Nam Sai Gon ផ្តល់អនុសាសន៍ថា៖ ការធ្វើតេស្តត្រួតពិនិត្យមហារីកសរុប ដើម្បីរកឃើញសភាពមុនមហារីក ឬសញ្ញាមហារីកនៅដំណាក់កាលដំបូង គឺជាវិធីមានប្រសិទ្ធភាពក្នុងការការពារសុខភាព បង្កើនអត្រារស់រានមានជីវិត និងជួយកាត់បន្ថយថ្លៃចំណាយក្នុងការព្យាបាល។
• អត្រាព្យាបាលជោគជ័យនៃជំងឺមហារីក នៅដំណាក់កាលដំបូង អាចឈានដល់ 80%។