ចូលពេទ្យពិនិត្យពីរោគសញ្ញាឈឺពោះបុរសម្នាក់ត្រូវបានរកឃើញមានដុំសាច់មហារីកនៅតំរងនោម

បុរសម្នាក់មានអារម្មណ៍ឈឺពោះ និងសង្កត់ឃើញមានដុំពកមិនប្រក្រតី បន្ទាប់មកទៅពិនិត្យសុខភាព ហើយត្រូវបានរកឃើញថាមានដុំសាច់មហារីកនៅតំរងនោម។

មុននេះបន្តិចមន្ទីរពេទ្យNam Sai Gon បានធ្វើការវះកាត់យកដុំសាច់មហារីកនៅតំរងនោមទំងន់ប្រហែល2គីឡូក្រាមដោយជោគជ័យសម្រាប់អ្នកជម្ងឺ E.C អាយុ66ឆ្នាំ។

តាមការទទួលបានព័ត៌មាន អ្នកជម្ងឺមានរោគសញ្ញាឈឺចាប់បាតពោះខាងឆ្វេងបន្តបន្ទាប់ជាយូរហើយពេលទៅពិនិត្យឃើញថាមានដុំសាច់នៅតំរងនោមដែលមានប្រវែងវែងជាងប្រវែងតំរងនោមទ្វេដង។ តាមលទ្ធផលស្កេន CT ពោះ គ្រូពេទ្យបានរកឃើញដុំសាច់មានទំហំធំ 86mmx60mmx82mm ដែលបានរាតចូលទៅក្នុងជាលិកាជុំវិញ និងបង្កការច្របាច់ទៅលើអង្គង់ខាងក្នុងជាច្រើន។ ក្រុមគ្រូពេទ្យឯកទេសនាយកដ្ឋានវះកាត់ប្រព័ន្ធរំលាយអាហារ នាយកដ្ឋានវះកាត់ប្រព័ន្ធទឹកនោម នាយកដ្ឋានវិនិច្ឆ័យតាមរូបភាព និងនាយកដ្ឋានវេជ្ជសាស្ត្រផ្តល់ថ្នាំសណ្តំបានប្រជុំគ្នាដើម្បីពិភាក្សាក្នុងការសម្រេចឲ្យធ្វើការវះកាត់ដកដុំសាច់នេះចេញពីអ្នកជម្ងឺ។

វេជ្ជបណ្ឌិត ឯកទេសទី II Le Van Hieu Nhan– ប្រធានក្រុមវះកាត់ផ្នែកតំរងនោម-ប្រព័ន្ធទឹកនោម-វេជ្ជសាស្ត្របុរស នៃមន្ទីរពេទ្យNam Sai Gon បានចែករំលែកថា៖

ជាទូទៅដុំសាច់តំរងនោមភាគច្រើនជាដុំសាច់មហារីកបើមិនរកឃើញទាន់ពេល វាអាចលូតលាស់យ៉ាងស្ងៀមស្ងាត់ បំប្លែងទៅកាន់សរីរាង្គជិតខាង ហើយអាចរាលដាលទៅកន្លែងឆ្ងាយ។ នៅវគ្គចុងក្រោយ ដុំសាច់មហារីកនឹងបំផ្លាញសរីរាង្គជាច្រើន បង្កគ្រោះថ្នាក់ដល់ជីវិត។ សម្រាប់ករណីរបស់លោក C. វេជ្ជបណ្ឌិតបានបញ្ជាក់ថា ត្រូវតែកាត់ចេញទាំងស្រុងតំរងនោមខាងឆ្វេង ពីព្រោះមានលក្ខណៈគ្រប់យ៉ាងនៃដុំសាច់មហារីកតំរងនោម។ ទោះបីបានបាត់តំរងនោមម្ខាងក៏ដោយ ប៉ុន្តែនៅតម្រងនោមម្ខាងទៀត អ្នកជំងឺនៅតែអាចរស់នៅបានល្អប្រសើរ។ ទោះយ៉ាងណា អ្នកជំងឺមិនធ្វើការត្រួតពិនិត្យសុខភាពប្រចាំឆ្នាំទេ នៅពេលរកឃើញដុំសាច់ វាមានទំហំលើស 8cm ហើយស្ថិតនៅជិតតំបន់សរសៃឈាមសំខាន់នៃតំរងនោម។ បន្ថែមពីលើនេះ អ្នកជំងឺក៏មានប្រវត្តិដាច់សរសៃខួរក្បាល និងជំងឺលើសឈាមផងដែរ។ ដូច្នេះក្រុមវេជ្ជបណ្ឌិតបានរៀបចំយ៉ាងប្រុងប្រយ័ត្នមុននឹងចាប់ផ្តើមការវះកាត់។

ចំពោះជំងឺមហារីកតំរងនោម ការព្យាបាលនឹងអាស្រ័យលើដំណាក់កាលនៃជំងឺ ទំហំ និងទីតាំងនៃដុំសាច់ បើដុំសាច់មានទំហំតូចជាង 4cmនិងស្ថិតនៅទីតាំងងាយស្រួល ដែលនៅតែស្ថិតនៅខាងក្នុងស្រោមតំរងនោម មិនទាន់រាតត្បាតសំបកតំរងនោម ឬលូតលាស់ទៅក្នុងជាតិកាហ្វាខាងក្រៅទេ វេជ្ជបណ្ឌិតនឹងអនុវត្តវិធីវះកាត់យកតែដុំសាច់ ហើយរក្សាទុកផ្នែកងារតំរងនោមដដែល។ ប៉ុន្តែបើសិនដុំសាច់មានទំហំធំជាង 4cmឬបានលូតលាស់លើសសំបកតំរងនោម វេជ្ជបណ្ឌិតនឹងធ្វើការវះកាត់បើកស្នាមតាមពោះ ឬវះកាត់តាមប្រព័ន្ធអង់ដូស្កូប ដើម្បីយកចេញតំរងនោមទាំងមូល រួមទាំងជាតិកាហ្វារជុំវិញ ដើម្បីការពារការលេចឡើងវិញនៃដុំសាច់មហារីក។

រូបភាពនៃដុំសាច់ក្នុងតម្រងនោម ដែលត្រូវបានយកចេញដោយក្រុមវះកាត់

បន្ទាប់ពីប្រហែល 3 ម៉ោង ក្រុមវេជ្ជបណ្ឌិតវះកាត់ផ្នែកតំរងនោម-ប្រព័ន្ធទឹកនោម-វេជ្ជសាស្ត្របុរស រួមវេជ្ជបណ្ឌិត ឯកទេសទី II Le Van Hieu Nhan វេជ្ជបណ្ឌិត Pham Truong Minh និង វេជ្ជបណ្ឌិត Quach Tuan Khang បានអនុវត្តការវះកាត់យកចេញទាំងស្រុងនូវដុំសាច់មហារីកតំរងនោមខាងឆ្វេង ដែលមានទំងន់ប្រមាណ 2kg ហើយកាន់កាប់ប្រហែលពាក់កណ្តាលផ្ទៃពោះរបស់អ្នកជម្ងឺ ព្រមទាំងយកជាតិកាហ្វារជុំវិញតំរងនោម និងវះកាត់ដុំកូនក្រពេញទាំងអស់ដែលពាក់ព័ន្ធ។

បន្ទាប់ពីការវះកាត់ អ្នកជម្ងឺត្រូវបានតាមដានយ៉ាងជិតស្និទ្ធលទ្ធផលបន្ទាប់ពីការវះកាត់បាន 4 ថ្ងៃបង្ហាញថាទួលេខគ្រប់យ៉ាងនៃមុខងារតំរងនោមមានប្រតិកម្មល្អ។ បច្ចុប្បន្ន អ្នកជម្ងឺបានស្ដារវិញយ៉ាងល្អ អាចផ្លាស់ទីនិងដើរបានដោយខ្លួនឯងហើយត្រូវបានអនុញ្ញាតឱ្យចេញពីមន្ទីរពេទ្យ។

ក្នុងការចែករំលែកបន្ថែមអំពីជំងឺដុំសាច់តំរងនោមនេះបណ្ឌិតNhanបានឲ្យដឹងថា៖ ដុំសាច់តំរងនោមភាគច្រើននឹងអភិវឌ្ឍតាមរយៈពេលយូរដោយមិនមានរោគសញ្ញាផ្សេងៗ។ នៅពេលដែលអ្នកជម្ងឺចាប់ផ្តើមមានរោគសញ្ញាដូចជា ឈឺពោះ ប៉ោងពោះ ស្លៀកស្លង់ ធ្លាក់ទំងន់ ឬមានការរំខានក្នុងទឹកនោមនិងអាការៈបត់បែនការនាំទឹកចេញ បង្ហាញថាដុំសាច់បានធំឡើងយ៉ាងខ្លាំង (អាចមានទម្ងន់ពី 3 ទៅ 4 គីឡូក្រាម) ឬបានរាតត្បាតចូលក្នុងសរីរាង្គជិតខាងដែលប៉ះពាល់យ៉ាងខ្លាំងដល់គុណភាពជីវិតនិងអាចគំរាមកំហែងដល់ជីវិតអ្នកជម្ងឺ។

រូបភាពនៃដុំសាច់បន្ទាប់ពីការវះកាត់

សម្រាប់ជំងឺមហារីកតំរងនោមប្រហែលជា 30% នៃអ្នកជម្ងឺត្រូវបានរកឃើញដោយចៃដន្យតាមរយៈការធ្វើអ៊ុលត្រាសោនពោះនៅពេលធ្វើការត្រួតពិនិត្យសុខភាពប្រចាំឆ្នាំដោយមិនមានរោគសញ្ញាណាមួយទាក់ទងនឹងប្រព័ន្ធទឹកនោម។ ប្រហែលជា 25% នៃអ្នកជម្ងឺមានរោគសញ្ញាដូចជាមានឈាមក្នុងទឹកនោមឈឺចំហៀងខ្នងហើយបានទៅពិនិត្យឃើញជំងឺ។ នៅដំណាក់កាលចុងក្រោយ អ្នកជម្ងឺមកពិនិត្យព្រោះពោះធំឡើង ដោយសារដុំសាច់បានលេចឡើងនិងចាប់ផ្តើមបង្អាក់សរីរាង្គជិតខាង។

សម្រាប់ដុំសាច់មហារីកតំរងនោម មានកត្តាហានិភ័យជាច្រើនដែលត្រូវបានកំណត់ថាមានការទាក់ទងមកពីមូលហេតុរួមមាន៖ ការជក់បារី ការប៉ះពាល់ជាមួយសារធាតុគីមីដែលប្រើក្នុងឧស្សាហកម្មជក់ពណ៌ ដែក ដីខ្ចី ថ្នាំលាប ប្លាស្ទិច និងថ្នាំកសិកម្ម ជំងឺធាត់ខ្លាំង (ពិសេសនៅស្ត្រី) ជំងឺលើសសម្ពាធឈាម ជំងឺខ្សោយតំរងនោមរ៉ាំរ៉ៃដែលកំពុងធ្វើការបោសឈាម ជំងឺរលាកថ្លើមប្រភេទ C រ៉ាំរ៉ៃ ការប្រើថ្នាំបំបាត់ឈឺចាប់ប្រភេទប្រឆាំងការរលាក (non-steroid) យូរពេក។

ការត្រួតពិនិត្យសុខភាពជាប្រចាំនៅមន្ទីរពេទ្យឬមណ្ឌលសុខភាពដែលមានឧបករណ៍វិនិច្ឆ័យទំនើប និងមានវេជ្ជបណ្ឌិតជំនាញ គឺជាដំណើរការដ៏ចាំបាច់ ដើម្បីអាចរកឃើញ និងព្យាបាលដុំសាច់ ឬជំងឺមហារីកឲ្យទាន់ពេលវេលា។ បន្ថែមពីនេះ ត្រូវបោះបង់ទម្លាប់អាក្រក់ដូចជា ការផឹកស្រា និងជក់បារី អនុវត្តរបបអាហារសមរម្យ ដោយកាត់បន្ថយជាតិខ្លាញ់ និងជាតិស្ករ ដើម្បីថែរក្សាសុខភាពឲ្យបានល្អ។ល។

មន្ទីរពេទ្យ Nam Sai Gon មានអនុវត្តការធានារ៉ាប់រងសុខភាព និងធានារ៉ាប់រងសង្គមផងដែរ។

មន្ទីរពេទ្យទូទៅអន្តរជាតិ South Saigon

ផ្ទះលេខ 88 ផ្លូវលេខ 8 តំបន់លំនៅដ្ឋាន Trung Son ឃុំ Binh Hung ស្រុក Binh Chanh ទីក្រុង។ ហូជីមិញ

ខ្សែទូរស័ព្ទទាន់ហេតុការណ៍៖18006767

info@nih.com.vn

វិញ្ញាបនបត្រចុះបញ្ជីពាណិជ្ជកម្ម៖ ០៣១២០៨៨៦០២ ចេញថ្ងៃទី១៤ ខែធ្នូ ឆ្នាំ២០១២ ដោយនាយកដ្ឋានផែនការ និងវិនិយោគទីក្រុងហូជីមិញ។ អាជ្ញាប័ណ្ណពិនិត្យ និងព្យាបាលជំងឺ លេខ 230/BYT-GPHD ចេញដោយក្រសួងសុខាភិបាល។ #